Низ годините Лепа Брена изгради кариера на која би и подзавидела секоја балканска пејачка, што поради изборот на песните што поради секси изгледот на кој мажите не можеа да одолеат.
Сепак, ако ја запрашате Брена што мисли за имиџот што и беше наметнат во почетокот на кариерата, таа потенцира дека е далеку од убава празноглавка.
-Од вас сакаат да направат глупава русокоса која оди на високи потпетици. Јас отсекогаш сакав да покажам дека можеш да бидеш паметна и сè друго што ќе посакаш, вели пејачката.
Во разговор со новинарите таа додаде и дека по распаѓањето на Југославија планирала да го отстрани својот хит „Југословенка“ од репертоарот на песни кои ги пее на концертите, но публиката и понатаму ја бара оваа песна.
-Во принцип не патам за ништо. Овие простори може да се нарекуваат како што сакате, ете некогаш се нарекувале Југославија, додава таа.