Серсеи Ланистер го доби заслуженото барем ако судиме според последната епизода од 5-та сезона на Game Of Thrones каде мораше да се соблече пополно гола и да шета пред разгневената толпа. Иако снимањето на една ваква сцена несомнено е предизвик за секоја актерка, Лена Хедеј (41) која го игра ликот на Ланистер изгледа дека сепак имала мала помош за сцената.
Според Entertainment Weekly за експлицитната сцена што е снимана во Дубровник е користена дублерка која заедно со Лена три дена го снимала секој одделен кадар. Потоа со помош на технологијата била создадена совршена сцена каде што на прв поглед не се забележуваат малите недостатоци при монтирањето.
Оние кои ја следат кариерата на Хедеј знаат дека актерката за време на снимањето во Дубровник беше во првите месеци од бременоста со своето второ дете. Освен тоа нејзиното тело е прекриено со тетоважи кои е потребно да бидат прекриени со шминка за да би можела да се појави како од мајка родена пред камерите.
-Мислам дека никој не заслужува таков третман. Таа е тепана, изгладнувана и понижувана, изјави Хедеј за својот лик и додаде дека најверојатно тоа нема да биде последното појавување на Ланистер бидејќи има уште неколку луѓе кои што треба да ги убие.