Наоми Кембел е последната од славните личности кои ќе земат учество со мала камео улога во второто продолжениие на култната комедија Zoolender.
Zoolander 2 кој моментално се снима на повеќе локации низ Италија, на едно место ги собра Бен Стилер, (кој не само што повторно ја толкува главната улога, туку и повторно е режисер) и Овен Вилсон.
Англиската манекенка беше забележана на сетот од Zoolander 2 во Рим, како облечена во бел фустан мирно чека да дојде време за да застане пред камерата.
Наоми изгледаше прекрасно во летниот фустан, а покрај неа свои улоги во Zoolander 2 ќе имаат и Џастин Бибер, Каније Вест и Ким Кардашијан од аматерите, а од професионалните актери покрај Бен и Овен ќе ги видиме и Кристен Виг, Били Зејн, Кристин Тејлор, Оливија Ман, Пенелопи Круз....
Џастин Тероу го напиша сценариото за вториот дел на Zoolander, a во продолжението ќе имаме можност да го видиме враќањето на Дерек Зулендер и Хенсел (Овен Вилсон) на модните писти. Сепак нивниот кам бек ќе биде доведен во опасност, откако ќе се појави ривалска модна агенција која ќе се закани да ги избрка од модниот бизнис.
Премиерата на Zoolander 2 е закажана за 12-ти февруари следната година, а во меѓувреме погледнете како изгледаше Наоми на сетот во Италија.
