Olive Kitteridge, мини-серијата во 4 дела која беше емитувана на HBO каналот успеа да освои дури шест Emmy награди на синоќешното доделување на телевизиските награди.
4-часовната серија се закити со шест статуетки на Emmy, а од самата тв адаптација на истоимената книга на Елизабет Строут награда освои и актерката Френсис Мекдорманд за главна улога во категоријата мини-серија или ТВ филм. Статуетки од истата серија освоија Лиса Клоденко за најдобра режија и Џејн Андерсон за најдобро сценарио, адаптирано од истоимената книга.
Game of Thrones и Veep од HBO каналот освоија по четири статуетки на синоќешната церемонија, додека пак завршеното The Daily Show with Jon Stewart три награди.
Veep, политичката комедија со Џулија Луи Драјфус ја освои наградата за најдобра комична серија, а самата актерка за најдобра актерка во категоријата најдобра комична серија.
Emmy наградата за најдобра драмска серија ја освои Game Of Thrones, а наградата за најдобар актер во драмска улога отиде во рацете на Џон Хем за тазе завршената серија Mad Men, а од спротивната категорија, Вајола Дејвис се закити со наградата за најдобра актерка во драма за How to Get Away with Murder.
Водител за Emmy наградите беше американскиот актер и комичар Енди Семберг.
