The Boss е името на најновиот проект на одличната комична актерка Мелиса Мекарти, а сега самиот филм го доби и првиот трејлер.
Актерката која оваа година ја видовме во мега хитот Spy, сега по втор пат ќе соработува со нејзиниот сопруг Бен Фалкон. Двајцата минатата година ни ја претставија комедијата Tammy, а за следната го подготвуваат The Boss.
Mелиса во The Boss ќе биде Мишел Дернел екс шеф/сопственик на сопствен бизнис која ќе биде осудена на затворска казна. По излегувањето таа не само што ќе биде без бизнис и богатство, туку и без иднина.
Единственото што ќе остане од стариот имиџ е нејзиниот ужасен третман на луѓето околу неа. Сепак и покрај тоа една личност ќе и пружи помош да „ застане на нозе“ но процесот нема да тече глатко.
Покрај Мелиса во The Boss ќе се појават и Кристен Бел, Питер Динлиџ, Сесили Стронг и Оскаровката Кети Бетс со која Мелиса соработуваше и на претходникот Tammy.
Премиерата на The Boss е закажана за 8-ми април следната година, а ова е првиот трејлер.