Крис Хемсфорт фановите го препознаваат како секси и прекрасен актер со неверојатно тело. Тој и е добро познат на публиката по улогата на нордскиот бог Тор која последен пат ја толкуваше во блокбастерот Avengers-Age Of Ultron. Но, сега на публиката ќе и се претстави со нова предизвикувачка улога и со драстично изменет имиџ.
Во неодамнешниот Q&A на Twitter Крис сподели фотографија од финалната фаза од подготовката за улогата во In the Heart of the Sea.
Крис во In the Heart of the Sea ќе го толкува морепловецот Овен Чејс кој заминал на експедиција во лов на китови. Бродот Essex со кој испловил од Англија бил нападнат од еден таков кит и екипажот подоцна морал да преживее со канибализам.
За да се подготви за улогата на Чејс во финалната фаза од дејствието, тој внесувал само 500 калории дневно во период од 1 месец, и резултатот е изгладнета физиономија која надополнета со густата брада изгледа како да бил на пуст остров подолг период.
In the Heart of the Sea е втор филм во кариерата на Крис во која соработува со Рон Хауард. Првиот пат тоа беше на Rush, биографскиот филм за ривалството на Ф1 возачите Џејмс Хант и Ники Лауда.
In the Heart of the Sea ќе пристигне во кино салите на 11-ти декември, а како изгледа Крис?
Погледнете.
