Првиот трејлер за Captain America: Civil War е официјално објавен. Најновото продолжение од франшизата на Марвел нуди доста возбуда и акција уште во трејлерот.
Во трејлерот јасно може да се види и несогласувањето на двајцата „одмаздници“ Тони Старк (Роберт Дауни Џуниор) и Стив Роџерс (Крис Еванс) поради блискоста на капетанот Америка со пријателот Баки Барнс (Себастијан Стен).
Покрај триото, во Captain America: Civil War ќе ги видиме повторно и Скарлет Јохансон, Френк Грило, Ентони Меки, Дон Чидл, Џереми Ренер, Пол Бетани, Елизабет Олсон, но и новите актери Даниел Брул, Чедвик Босман и младиот Том Холанд во улогата на Питер Паркер/Спајдермен.
Дејството на Captain America: Civil War ќе биде сместено по настаните од Avengers-Age Of Ultron, а зад камерата застанаа браќата Џо и Ентони Русо исто како и на Captain America: Winter Soldier.
Премиерата на Captain America: Civil War е закажана за 6-ти мај следната година, а ова е првиот трејлер.