Емилија Кларк оваа година фановите ќе можат да ја погледнат на два различни медиуми.
Во април на „малите екрани“ таа ќе биде дел од 6-та сезона на Game Of Thrones, а неколку месеци подоцна ќе ја видиме и на „големото платно“. Англиската актерка претстојново лето ќе ни ја прикаже романтичната драма Me Before You.
Во Me Before You партнер ќе и биде Сем Клејфлин (актерот од Hunger Games франшизата), а во филмската адаптација на истоимената книга од Џоџо Мојс, Емилија ќе ја портретира Луиза Кларк.
Млада, невработена девојка која ќе добие работа да биде негувателка на Вилијам Трејнор. Богат, но болен млад човек кој е парализиран речиси низ целото тело, а се очекува наскоро парализата да го зафати и неговиот мозок.
Покрај двајцата во Me Before You ќе се појават и Метју Луис, Чарлс Дејнс, Џена Колман и Џенет Мектир.
Режисер на Me Before You е Теа Редок, образована на Оксфорд и која до сега беше позната по театарските продукции на повеќе класични дела на телевизија и во театар.
Премиерата на Me Before You е закажана за 3-ти јуни оваа година, а до тогаш погледнете го првиот трејлер.