Шарлиз Терон минатата година беше хероината во Max Max-Fury Road, но таа е во преговори да биде главниот негативец во Fast 8, најновиот филм од акционата франшиза.
Ако преговорите се покажат како успешни, ликот на Шарлиз ќе биде првиот женски негативец во целата франшиза. Во актерската екипа на Fast 8, веќе беше потврдено враќањето на Џејсон Стејтам во улогата на Декард Шо, но од новите актерки во екипата кои исто така преговараат за Fast 8 е и одличната Ева Мендез.
Во Fast 8 ќе се појават стандардните актери од досегашните Fast and Furious филмови како Вин Дизел, Лудакрис, Мишел Родригез, Тајриз Гибсон...
Премиерата на Fast 8 е закажана за 14-ти април 2017-та година, а оваа 2016-та Шарлиз ќе ја видиме и во The Huntsman Winter's War, но и во драмата The Last Face, режирана од Шон Пен.