Оливија Вајлд не е ново лице во Холивуд.
Со прекрасен изглед и огромен талент, Оливија е константно лице во филмската уметност повеќе од 1 декада. Родена во семејство на повеќе генерации на новинари, политичари и интелектуалци, Оливија може да се пофали со семејно пријателство со Ричард Холбрук, Мик Џегер, а во еден период од детството „бебиситер“ и бил славниот писател Кристофер Хаченс.
Но, во нејзината кариера таа може да се пофали и со одлична соработка со фантастични режисери како Џозеф Козински, Пол Хагис, Џон Фавро, Џо Сванберг, Рон Хауард, Спајк Џонз, а оваа година и со Мартин Скорсезе на серијата Vinyl.
Таа беше дел и од култната серија House, но сега при промоцијата на најновото ТВ дело Vinyl откри и дека по аудицијата за The Wolf of Wall Street и било кажано дека не ја добила улогата затоа што е премногу стара. За време на аудицијата таа имала 28 години, а Леонардо ди Каприо 38.
Таа конкурирала за улогата на една од двете сопруги на Џордан Белфорд (Леонардо ди Каприо) за кои беа одбрани Кристин Милоти и Марго Роби.
Оливија сега има 32 години а колешките Милоти и Роби имаат 30 и 25.
Сепак, објасни и дека не се чувствува огорчено поради тоа. Нејзината неуспешна аудиција и ја донела улогата во серијата Vinyl бидејќи и во двата проекти Мартин Скорсезе е инволвиран како режисер.
Но, кои се најдобрите проекти на Оливија во досегашната кариера?
Conversations with Other Women- 2005
Alpha Dog- 2006
The Next Three Days- 2010
Tron: Legacy- 2010
In Time- 2011
Butter- 2012
People Like Us- 2012
Drinking Buddies- 2013
Rush- 2013
Her- 2013
Meadowland- 2015