Најновите вести од Британија поврзани со Џејмс Бонд франшизата потврдуваат дека Даниел Крејг дефинитивно се откажа од понатамошно толкување на улогата на Џејмс Бонд и дека наскоро би можеле да добиеме нов актер кој ќе биде агентот 007.
Крејг според англиските медиуми одржал состаноци со студио директорите на MGM и веќе им соопштил дека повеќе не сака да биде дел од франшизата. Тој дури одбил и 68 милиони фунти вреден договор за снимање на два нови филмови.
Англискиот актер ја толкуваше улогата на Џејмс Бонд од 2005-та година, а последен пат во минатгодишниот хит филм Spectre.
Како најсериозен фаворит да го замени Даниел Крејг во култната улога се смета колегата и сонародник Том Хиделстон кој по успехот на шпионската мини серија The Night Manager веќе е фаворит и кај фановите.