Продукцијата “Панк Филм” од Скопје денес во 17:00 часот на локација ул.68, Транспортен центар 2 на Нова железничка станица Скопје ќе ја удри првата клапа на играниот филм со работен наслов “СЛОБОДА ИЛИ СМРТ” по сценарио и режија и на Владимир Блажевски.
Филмот е поддржан од Агенцијата за филм на Република Македонија. Исто така, има повеќе стански партнери како Kiselo Dete од Србија, Ikone Studio од Косово, Strup Produkcija од Словенија како и поддршка од ,,Euroimages’’ и од SEE Cinema Network.
Двата главни протагонисти во оваа комедија се актерoт Игор Ангелов во улогата на Цобе, чувар во зоолошката градина и мајмунот Коко. Главната женска улога, тетката на Цобе, ја игра Марија Кохн која е доајен на екс Југословенското глумиште.
Меѓу останатите улоги се Береда Решит кој го игра ликот на Љатиф, најдобар пријател и колега на Цобе, Елена Трајковска во улога на Ана Илиева, Фаик Мефаилоски во ликот на Аце и познатиот косовски актер Чун Лајчи во улогата на Хашим.
Костимограф на овој проект е Жаклина Крстевска ,шминка и маска Мојца Горогранц Петрушевска, сценографијата е на Миленко Јеремиќ, а директор на фотографија е Димо Попов. Соработници на сценарио се Душан Спасојевиќ и Катрин Максимоф. Продуцент е Дарко Попов.
Филмот ќе биде сниман на повеќе локации низ Македонија меѓу кои Зоолошката градина во Битола, на повеќе локации во близината на Дебар, а најголем број на сцените ке бидат снимени во Скопје.
