Доколку сте натрупани со обврски, но сепак сакате да се опуштите барем еден час во денот, тогаш ви предлагаме одлична мини серија. Станува збор за The Night Manager на британската режисерка Сузан Биер, која одлично ја прикажала новелата на Џон ле Каре, со исто име како и филмот.
Главната улога ја толкува Том Хидлстон, а во споредна улога се појавува Хју Лори. Покрај овие актери се појавуваат и Оливија Колдман, Дејвид Харвуд, Том Холандер и Елизабет Дебицки.
Приказната започнува со поранешниот британски војник Џонатан Пајн (Том)кој е менаџер на ноќна смена во луксузен хотел. Анџела Бур (Оливија) е разузнавачки агент, кој го Џонатан со цел да му се доближи на Ричард Ропер (Хју), кој тргува со оружје, со цел да го сместат во затвор. Но, Ричард прави матни бизниси со битни луѓе од разузнавачката агенција.
Мора да нагласиме дека Том е неверојатен во својата улога. Серијата има шест епизоди, кои траат 45 минути. Минатата година, серијата беше номинирана за 36 награди, а победи во 11 категории, вклучувајќи ги Emmy наградата за најдобра режија, музика и три Golden Globes награди за најдобар актер за Том, најдобра споредна актерка за Оливија и најдобар спореден актер за Хју.