На денешен ден во 1977 година за прв пат беше прикажан еден од најдобрите и најпопуларните филмови во историјата на светската кинематографија, „Star Wars“.
Во тоа време, кога за прв пат се прикажуваше филмот, режисерот Џорџ Лукас често се прашуваше дали истиот ќе доживее успех.
„Star Wars“ веднаш привлече голем број на посетители, што не ни беше изненадување, со оглед на тоа дека филмот воведе револуција во полето на специјалните ефекти. И оттогаш започна сѐ: музика, познати фрази од филмот, видео игри, анимирани филмови, стрипови... Едноставно филмот како да си направи своја заедница на фанови кои стрпливо го чекаат секој нов дел од франшизата.
На официјалниот профил на Facebook, беше објавено и специјално видео по повод 40-от роденден.