Иако триологијата на книги „Педесет нијанси“ на Е.Л. Џејмс доживеа огромна популарност, станувајќи една од најчесто спомнуваните веднаш до серијалите „Хари Потер“ и „Господар на прстените“, сепак нивната филмска адаптација не доживеа идентичен успех.
Имено првите два дела „Педесет нијанси на сиво“ и „Педесет нијанси потемно“ не беа прифатени од страна на гледачите. Првиот дел триумфираше на доделувањето на Златните малини освојувајќи дури 5 вклучувајќи ја и онаа за најлош филм.
Сепак, се очекува впечатоците да се променат со возбудливото финале на приказната кое според читателите е најинтересниот дел од триологијата. Како би изгледал третиот дел преточен во филм останува да дознаеме. Во новиот тизер се прикажани подготовките за свадба на Кристијан и Анастасија, како и дел од медениот месец што би можел да заврши со смртоносен пресврт со повторното појавување на поранешниот шеф на Анастасија, Џек Хајд.
Премиерата на „Педесет нијанси ослободени“ е закажана во кино салите за 14-ти февруари 2018 година.
Во продолжение можете да гo погледнете тизерот за големото финале на оваа триологија