Филмови кои се направени врз основа на вистински приказни

Критичарите често знаат да се пожалат од недостатокот на креативни идеи во Холивуд. Од истата причина се прават напори да има што повеќе филмови кои се инспирирани од вистински настани и лични приказни, а воедно таа категорија важи за една од најгледаните и најприфатените од страна на публиката.

Погледнете кои се најпопуларните филмови, а се направени врз основа на вистинити приказни:

„Alive“, 1993



Рагби тим доживува авионска несреќа над Андите во кoja дел од патниците умираат, додека останатиот се борат со суровите услови кои им се пружени со една цел, да преживеат.

„The Zodiac“, 2007



Потрагата по серискиот убиец кој се потпишува како Зодијак започнува. Иако остава шифри, сепак трагите кои ги остава зад себе носат мали шанси за негово откривање.

„A Beautiful Mind“, 2001



Овој филм ја раскажува приказната за Џон Неш, кој е доказ дека постои тесна врска меѓу генијалноста и лудилото. Тој гледа низ животот на начин на кој никој не може ни да замисли. Погоден од лошата шизофренија Џон си прави лажни епизоди за својот живот, а заедно со него низ неговата состојба поминува  и неговата жена Алисија, но и неговите пријатели.

„127 Hours“, 2010



Авантуристот Арон Ралстон го започнува своето планинарење, но доживува несреќа. Додека се качува нагоре се лизнува и паѓа во тесен канал каде му се заглавува раката. Тој е приморан да ја ампутира, но сфаќа дека не може да ја пресече и коската. Додека поминува низ тешки мигови, разбира дека неговата грешка што не кажал точно каде оди може многу да го чини.

„The Social Network“, 2010



Приказната започнува со Марк Цукерберг, 19-годишниот студент на Харвард кој креира нова социјална мрежа. Проблемите кои настануваат му се показател дека не може да се стекне голем број на пријатели без непријатели околу себе.