Во текот на минатата деценија, култните јунаци и негативци од сериите „Вампирски дневници“ (Vampire Diaries) и „Оригиналите” (The Originals) ја освоија публиката ширум светот, а од 26. октомври на HBO GO пристигнува „Последици“ (Legacies), нова серија која зборува за следната генерација на натприродни ликови во училиштето за млади и надарени „Салваторе“.
Нова епизода ќе биде достапна секој петок на HBO GO, а премиерата на HBO каналот е закажана за јануари.
Големото семејно наследство кое го оставија „Вампирски дневници“ и „Оригиналите“ продолжува во нова возбудлива драма. Овој пат главни јунаци се ќерката на Клаус Мајклсон, 17-годишната Хоуп Мајклсон, близнаците на Аларик Салцман, Лизи и Џози Салцман и други млади ликови кои созреваат на најнеобичниот можен начин. Дали овие млади вештерки, вампири и врколаци ќе станат херои какви што сакаат да бидат или, пак, ќе бидат негативци како што им е предодредено?
Даниел Роуз Расел ќе ја видиме во улогата на Хоуп Мајклсон, улога во која веќе ја гледавме во серијата „Оригиналите“, додека Метју Дејвис повторно ќе го гледаме во улогата на Аларик Салцман. Џени Бојд и Кејли Брајант ќе ги играат ликовите на близначките Лизи и Џози Салцман.