Преслаткото слонче од нашето детство е подготвено за своето филмско деби. Дизни го објави првиот трејлер за римејкот на Dumbo кој треба да се појави во кино салите ширум светот во почетокот на следната година.
Филмската верзија на анимираната класика од 1941-ва е под режисерската палка на Тим Бартон, а во главните улоги ќе видиме многу звучни имиња како Мајкл Китон, Ева Грин, Колин Фарел и Дени де Вито.
Иако сè уште останува нејасно во која насока е сценариото на филмот, од трејлерот се забележува дека филмската верзија следи дел од заплетот во анимираниот оригинал.