За време на божиќните празници често се емитуваат едни исти филмови, како „Home Alone 1 & 2” и “Die Hard”. Во полно од нив се прикажани некои специфични локации кои сега се препознатливи токму поради овие филмови.
1) Home Alone
Во овој филм, Кевин Мекалистер е 10 годишно момче кое фамилијата случајно го заборава дома кога одат на одмор во Париз. Неговата куќа од филмот е една од најпрепознатливите филмски куќи на сите времиња, а се наоѓа во Винетка, Илиноис, предградие на Чикаго. Во 2012-та таа била продадена за над 1.5 милиони долари, а од 1990-та кога е сниман филмот е значително реновирана во внатрешноста.
2) Home Alone 2: Lost in New York
Во продолжението на „Сам дома“, Кевин повторно е одвоен од неговата фамилија која патува во Мајами, Флорида, кога по грешка се качува на авион за Њујорк.
Додека го истражува градот, тој изнајмува соба во познатиот Plaza Hotel каде го среќава сегашниот претседател на САД, Доналд Трамп, во чија сопственост тогаш се наоѓал хотелот и бил еден од најпрепознатливите жители на Њујорк.
Овој хотел бил отворен во октомври 1907-ма, а апартман во него може да чини и до $50 000.
3) Love Actually
Може да се каже дека оваа позната романтична комедија со Хју Грант, Лиам Нисон, Ема Томпсон, Кира Најтли и „еден тон“ други актери го започна трендот на филмови со голем број на познати ликови чии навидум неповрзани приказни се испреплетуваат.
Филмот започнува со венчавка во црква, поточно капелата Гросвенор во Лондон. Таа била изградена во 1730-та и во неа се одржуваат регуларни црковни услуги, свадби и концерти.
4) Die Hard
“Die Hard” и официјално е прогласен за божиќен филм од еден од неговите сценаристи, а во него детективот Џон Меклејн (Брус Вилис) се обидува да спречи терористички напад и кражба во зградата наречена Nakatomi Plaza, каде неговата жена се наоѓа на божиќна прослава.
Вистинското име на Nakatomi Plaza е Fox Plaza и се наоѓа во Лос Анџелес, Калифорнија. Оваа зграда од 34 ката била комплетирана во 1987-ма, што значи била само една година стара кога била премиерата на филмот.