Еден од најдуховитите и најоригинални водители што се појавиле на телевизиската сцена последниве години, Џон Оливер, се враќа на HBO во новата сезона на забавната емисија „Минатата недела вечерва со Џон Оливер“ (Last Week Tonight With John Oliver).
Првата епизода ќе биде достапна преку HBO GO услугата од 18. февруари, додека премиерата на HBO 3 каналот е закажана за 22. февруари во 21:00 часот. Нови епизоди ќе бидат емитувани во истиот термин секој петок на HBO 3, додека во понудата на HBO GO нови епизоди ќе пристигнуваат секој понеделник.
Во текот на оваа емисија чии епизоди траат по половина час, преку преглед на вести, политички и секојдневни случувања, сепцијални гости и скечеви, Оливер ни овозможува уникатен поглед и ставови во врска со проблемите со кои се соочува денешниот свет.
Емисијата во текот на годините освои 12 „Еми“ награди, а само минатата година освои дури четири награди.