Двојната оскаровка Кејт Бланшет и помладата колешка Руни Мара снимаат нов проект. Двете дами беа забележани на сетот на најдновата драма Carol, облечени во костими од 50-те години на 20-от век. Филмот е адаптација на истоимената новела на Патриша Хајмсит, која ги напиша класиците како Talented Mr. Ripley и Ripley's Game кои исто така беа адаптирани во одлични филмови.
Бланшет која освои оскар оваа година за улогата во Blue Jasmine, беше уловена на сетот на лезбејската драма Carol како покрај колешката Руни Мара ги снима сцените од најновиот филм.
Carol е во режија на Тод Хејнс кој веќе соработуваше со Бланшет во филмот I’m Not There, а покрај Руни и Кејт во останатите улоги ќе се појават и одличните Кајл Чендлер и Сара Поулсон.
Бланшет ја толкува насловната улога Керол Ејрд, која ќе стане љубовница на помлада девојка во 50-те години на 20-те век и ќе мора да се бори против предрасудите и хомофобијата во општеството од тој период.
Се’уште нема одредено датум за премиера, но додека ја очекуваме погледнете како тече снимањето во Њујорк.
