Basic Instinct (Основен инстинкт) – филмот кој крена огромна прашина, но кој се гледа и до ден денеше, не би бил исполнет со толку страст доколку Шерон Стоун не била во главната улога. Сега 50-годишната актерка, решила да проговори токму за тие страсни сцени, 22 години по снимањето. Пред овој филм таа била обична Холивудска актерка, но по филмот веќе стана светска ѕвезда.
Во интервју за еден француски весник, Шерон потврдила дека за време на снимањето не знаела дека токму сцената во полициската станица ќе стане толку еротска.
- Режисерот, Пол Верховен, ми пријде и побара од мене да ги соблечам белите гаќички затоа што наводно се забележуваат на снимката. Но ми вети дека нема ништо да се види. По неколку недели, откако Пол ни го покажа монтираниот филм, кога ја видов токму таа сцена се почувствував изневерено. Станав и му удрив шамар, изјавила американската икона.
Иако оваа улога и го промени животот на Шерон Стоун, таа смета дека сепак требало да биде предупредена.
- Ме шокираше неговата измама. Да бев на негово место и јас би ја задржала таа сцена, но требало да ме предупреди. Тоа е само знак на непочитување. Филмот ја промени мојата кариера. За мене Кетрин Трамел е личност која на некој начин им помогна на жените да ја сфатат својата моќ, изјави Шерон.