Оскаровката Сандра Булок овој викенд (26 јули) полни 50 години. Со кариера од четвртина век во Холивуд и голем број награди и признанија за нејзиниот талент и труд на филмското платно, Сандра моментално ужива статус на почитувана актерка и на супер-ѕвезда.
Своето филмско деби го имаше во 1987-ма година во трилерот Hangmen, но публиката започна да ја забележува со улогата во The Thing Called Love, во режија на Питер Богданович. Сандра во филмот на Богранович глумеше покрај Дермот Мелруни и покојниот Ривер Феникс на кого му беше последната улога пред смртта на возраст од само 23 години.
Сепак, нејзината планетарна слава дојде следната 1994-та година со улогата во акцијата Speed покрај Кијану Ривс и Сандра не погледна назад. Следеа одлични улоги во најразлични жанрови. Од романтични комеди како успешниот While You Were Sleeping, драмата Hope Floats режирана од Форест Витакер до маестралниот Miss Congeniality од 2000-та во кој глумеше покрај Мајкл Кејн и Бенџамин Брет.
Следната декада во кариерата на Сандра доминираа романтичните комедии (Two Weeks Notice, Miss Congeniality 2: Armed and Fabulous, The Proposal, All About Steve), но се прослави и со одличните драми како Crush, Infamous и биографскиот филм The Blind Side за кој освои и Оскар за најдобра актерка.
Минатата година имаше успех и на бокс офисот (со The Heat), но и во одделот на награди (со Gravity) за кој повторно заработи номинација за Оскар, но не успеа да ја освои статуетката по втор пат.
Сандра нема најави за филмски проекти за оваа 2014-та година, но за следната 2015-та ја очекува анимираниот spin off прокет од Despicable Me, наречен Minions.
Сепак, во чест на 50-от роденден овој викенд и нејзината успешна кариера да се потсетиме на дел од најдобрите моменти од филмското платно со Сандра Булок.
The Thing Called Love
Demolition Man
Speed
While you were sleeping
The Net
Hope Floats
Practical Magic
Forces of Nature
28 Days
Miss Congeniality
Two Weeks Notice
Crash
The Proposal
The Blind Side
The Heat
Gravity