Closer беше филмот кој требаше да им донесе еден куп награди на докажаните ѕвезди од А листата на Холивуд. Џулија Робертс беше миленичката на САД, оскаровка и мега-везда од Холивуд а Џуд Лоу една година претходно беше номиниран за Оскар за улогата во Cold Mountain.
Но, останатите двајца актери изненадија и направија по гледањето на филмот да речеме: Џулија и Џуд. Кои беа тие? Натали Портман и Клајв Овен. Двајцата заработија награди Златен глобус, но и номинации за Оскар за споредните улоги во Closer, а ако до тогаш не беа познати по актерските способности, овој филм им го донесе тоа признание но и прифатеност од колегите, филмските критичари и публиката.
Љубовна приказна за два пара во Лондон е наједноставниот опис за Closer, но долгиот и комплициран опис ќе мора да го побарате по гледањето на филмот во режија на Мајк Николс.
Наслов:
Closer
Режија:
Мајк Николс
Улоги:
Џулија Робертс, Џуд Лоу, Клајв Овен, Натали Портман...
Жанр:
драма
Времетраење: 104 мин.
Година на издавање:
2004-та
Адаптиран од истоимената драма на Патрик Марбер, самиот англиски драматург го напиша и сценариото од својата драма која ја напиша во 1997-ма година.
Тоа беше неговиот прв обид како сценарист, а за следната година е закажана премиерата на 50 Shades Of Grey филмот за кој го адаптираше сценариото од познатата книга од Е. Л. Џејмс.