Дами и господа, новиот херој на Холивуд се вика Крис Прат и тој е апсолутно прекрасен. Внимавајте на него. Прат е ѕвездата на најновиот филмски блокбастер Guardians Of The Galaxy во кој ја толкува улогата на одметникот Питер Квил (Star Lord).
Kрис како Питер Квил (Star Lord)
35-годишниот прекрасен и талентиран Крис конечно стигна во фазата во неговата кариера вo која тој е ѕвездата на филмот, но и ја толкува главната улога бидејќи досегашните филмски појавувања беа примарно во споредните улоги.
Tрансформацијата на Крис од буцко до тело ремек-дело
Работите за Крис се променија кога ја доби улогата во серијата Parks and Recriation во 2009-та година, но најмногу кога се појави во оскаровскиот филм на Бенет Милер со Бред Пит и Џона Хил во главните улоги.
Крис во Moneyball
Филмот доби одлични критики, а беше и номиниран за 6 Оскари. Крис за прв пат во кариерата толкуваше вистинска личност, бејзбол играчот Скот Хетебер и од тогаш не погледна наназад.
Крис во Zero Dark Thirty
По само две години, Крис беше дел од Оскаровскиот филм на Кетрин Бигелоу, Zero Dark Thirty и во воениот трилер каде толкуваше еден од морнаричките фоки одговорни за фаќањето на Осама бин Ладен.
Заедно со Ен Хатавеј во Bride Wars
Филмот доби одлични критики и покрај контровезиите кои го опкружија поради насилството и сцените со мачење на терористите на Ал Каеда, Крис во овој филм ги воодушеви колегите и фановите со новата фигура.
Покрај Хоакин Феникс во Her
Тој ослабе околу 30 килограми и најпрво преку својот Instagram се пофали со „новото тело“, а подоцна имавме можност да го видиме и во самиот филм. Минатата година соработуваше со одличниот режисер Спајк Џонз во љубовната драма Her, а ова лето е новиот херој на Marvel во блокбастерот Guardians Of The Galaxy.
Заедно со екипата на Guardians Of The Galaxy
Следната 2015-та година, очекувајте го Крис во четвртиот дел на франшизата Jurassic Park (сега насловен Jurassic Wolrd) во кој тој ќе ја толкува повторно главната улога, а филмското платно ќе го дели со одличните Брус Далас Хауард, Џуди Гриер, Винсент Д’Онофрио, Омар Сај, БД Вонг.
Крис во Jurassic World
Но, додека го очекуваме Jurassic Park 4 (и додека уживаме во Guardians Of The Galaxy) да се потсетиме на најдобрите моменти во неговата филмска и ТВ кариера.
Wanted (2008)
Bride Wars (2009)
Мoneyball (2011)
The Five Year Enegament (2012)
Zero Dark Thirty (2012)
Delivery Man (2013)
Her (2013)
Guardians of the Galaxy (2014)
Бонус: Parks and Recreation (2009-денес)