Ема и Хоакин се неразделни во Конетикат. Се разбира тоа е за потребите на најновиот филмски проект, неименуваниот филм на режисерот Вуди Ален. Двајцата актери изминатиот викенд беа забележани на сетот како ги снимаат најновите сцени од филмот.
Облечена во маичка и кратки шорцеви, Ема Стоун изгледаше прекрасно покрај повозрасниот колега Хоакин Феникс додека ги снимаше сцените пред камерите и остатокот од екипата. Двајцата беа забележани како не можат да ги оттргнат рацете еден од друг, но малку нешта се познати за деталите околу филмот бидејќи се држат во строга тајност.
Покрај Ема и Хоакин, во останатите улоги ќе се појават и одличните Паркер Поси, Џејми Блекли и Мередит Хегнер како и речиси сите проекти во кариерата на Вуди Ален, тој покрај што застанува на режисерското столче зад камерата се погрижи и за сценариото.
Ова ќе биде втора соработка на Ема Стоун со Вуди Ален по Magic In The Moonlight со оскаровецот Колин Фирт во главната улога, додека пак за Хоакин ќе биде деби во филмовите на Вуди Ален.
Погледнете како тече снимањето.
