По пауза од повеќе од една декада, т.е. од актерската екипа на серијата Friends, има нови актери кои ќе заработуваат по 1 милион долари по епизода.
Тие се ѕвездите на серијата Big Bang Theory: Џим Парсонс, Џони Галеки и Кејкли Куко кои во популарната хумористична серија ги толкуваат улогите на Шелдон Купер, Леонард Хофстадер и Пени.
Триото актери летово преговараше за зголемување на платите, а преговорите ја одложија и продукцијата на самата 8-ма сезона која пак требаше да почне да се снима во јули. Нема информации дали зголемувањето на платите важи и за останатите актери во екипата на серијата.
Според новите договори, секој од триото актери во наредните 3 сезони, за колку што беше продолжена серијата Bib Bang Theory ќе заработи индивидуално по 90 милиони долари, што би ги направило најплатените ТВ актери на денешницата. Исто така според клаузулите во новите договори, постои можност да се продолжи серијата и за 11-та сезона, која би се емитувала во 2018-та година.
Пред повеќе од 10 години, сите 6 актери од популарната серија Friends добија плата од 1 милион долари по епизода, но само за последната 10-та сезона од серијата.
Big Bang Theory е една од најпопуларните и најдобро прифатените серии на денешницата, добитник на наградата Златен глобус, која отиде во рацете на Џим Парсонс во категоријата најдобра машка улога, комедија или мјузикл.