Никол Кидман и Колин Фирт, двајца оскаровци потворно на филмското платно. По втор пат во нивната кариера, по драмата Railway Man, оваа година ќе имаме можност да ги видиме и во психолошкиот трилер Before I Go To Sleep, филмска адапатција на истоимената книга С. Џеј. Ватсон.
Во Before I Go To Sleep, Никол ќе ја портретира Кетрин Лукас, жена која по претрпената сообраќајната несреќа го губи паметењето. Поради амнезијата од сообраќајката таа се буди секој нов ден со бланко меморија и не се сеќава на настаните и лицата од претходниот ден, а тука спаѓа и сопругот Бен Лукас (Колин Фирт). Таа ќе соработува со психијатарот Доктор Неш (Марк Стронг) во обид да ја подобри состојбата, но кога ќе почне да ги составува деловите од мозаикот на нејзиниот мозок, ќе дознае многу тајни за нејзиниот живот.
Во останатите улоги ќе се појават и Ен Мари Даф, Дин Чарлс Чапман и Дебора Роси, а режијата му беше доверена на Роуан Џофи кој веќе го режираше Brighton Rock филмот од 2010-та година со Кира Најтли во главната улога.
Премиерата на Before I Go To Sleep се очекува на 31-ви октомври оваа година, а ова е најновиот трејлер.
Погледнете.