Прекрасна вест за сите фанови на Оскар Ајсак и Џесика Частејн. Првиот тизер трејлер за крими драмата A Most Violent Year е објавен за фановите и според најновите прогнози и двајцата влегоа во оскаровската трка.
Само трет долгометражен филм на режисерот Џеј Си Чендор, A Most Violent Year ќе се фокусира на сторијата за брачниот пар Абел и Ана Моралес во обид да го оддржат семејниот бизнис во Њујорк. Сместен во 1981-ва година. Филмот ќе ги следи напорите на семејството Моралес да го спасат бизнисот од колапс во годината со статистички најмногу криминални случаи во историјата на Њујорк.
Чендор покрај тоа што се јавува како режисер, тoј и го напиша сценариото, а покрај Ајсак и Частејн во останатите улоги ќе се појават и одличните Каталина Сандино Морено, Алесандро Нивола, Дејвид Ојелово и Алберт Брукс.
Лимитирана проекција A Most Violent Year ќе има на 31-ви декември оваа година, за да може да се квалификува за оскаровската трка, веќе од следната 2015-та година ќе биде прикажан и во поголем број на кино сали ширум САД.
Погледнете го првиот тизер трејлер за A Most Violent Year.