Крис Еванс е вљубен во најновиот филм, романтичната комедија, Playing It Cool.
Актерот кој се прослави со улогата на Капетанот Америка повторно се здружи со колегата од Captain America-Winter Soldier, Ентони Меки во Playing It Cool, режиран од Џастин Реардон.
Playing It Cool ќе биде режисерско деби на Џастин Реардон, во играните филмови, а главната женска улога ќе ја толкува Мишел Монахан, актерката која оваа година беше актуелна со филмот Fort Bliss и со серијата True Detective.
Еванс во Playing It Cool ќе биде неименуван писател кој не верува во љубов и со иронија ќе пишува за неа. Сето тоа ќе се промени кога ќе ја запознае „таа“, неименуваната девојка, но нивната романса нема да почне (а ни продолжи) како што тој сака.
Покрај Еванс и Монахан во останатите улоги ќе имаме можност да ги видиме и Аубри Плаза, Топер Грејс, Џовани Рибиси и Лук Вилсон.
За сега нема одредено точна дата за премиерата на Playing It Cool, но затоа погледнете го првиот трејлер.