На денешен ден, 22-ри септември пред точно 20 години, за прв пат беше емитувана првата епизода од можеби најдобрата серија во историјата на американската телевизија Friends.
Креирана од Марта Кауфман и Дејвид Крејн Friends се емитуваше на NBC каналот точно 10 години, и од неа произлегоа 236 епизоди во 10 успешни сезони. Пред премиерата на Friends, само Кортни Кокс беше малку повеќе позната кај американската публика најмногу поради улогата во хит филмот Ice Ventura покрај Џим Кери, но останатите (Лиса Кудроу, Мет Лебланк, Џенифер Анистон, Дејвид Швимер, Метју Пери) беа релативно анонимни актери.
Friends беше инстант хит кај публиката поради искрениот хумор, хемијата меѓу актерите, одличното сценарио и чудните ликови како тој на Фиби (Лиса Кудроу). Во исто време серијата привлече и негативни критики од страна на критичарите најмногу поради нереалното прикажување на социјалниот живот на ликовите. Во најголемиот дел критиките се осврнаа на тоа како секој од нив може да си дозволи да живее во Гриниџ вилиџ областа од Њујорк со приходите од платите на самите ликови.
Сепак, серијата постави нови стандарди на тоа како треба да изгледа еден ситком, а дури и фризурата на Рејчел (Џенифер Анистон) беше една од најкопираните од страна на жените во Америка.
Во чест на овој јубилеј да се потсетиме на дел од најдобрите моменти од Friends, но во исто време ве повикуваме да ги споделите и вашите омилени моменти од Friends.
Baby Got Back
Couch pivot
Сендвичот на Рос
Ерогените зони на Моника
We were on a break
Облогот и замената на становите
Кожните панталони на Рос
Џои и облеката на Чендлер
UNAGI!!!
Oh my God фразата на Џенис
Косата на Моника
Песните на Фиби