Актерот откри дека во следната сезона прв пат ќе се појави нешто што до сега немавме шанса да го видиме.
Сите знаеме дека ликовите од „Game of Thrones“, односно „Игра за престоли: Песна за мраз и оган “ на Џорџ Р.Р.Мартин гинат „како од шала“, било да се во книгата или во најпопуларната ТВ серија на светот.
Гледачите често се посебно тажни поради заминувањето на некој од омилените ликови, и тоа поради едно старо правило кое продуцентите на серијата го воведоа – нема „флешбекови“, односно ликовите кои умреле нема да ги видиме повторно во сцените во кои останатите ликови се присетуваат поради разговор или доживување со нив.
Епа тоа правило повеќе не важи!
Доколку не сте ја гледале последната, четвртата сезона од „Game of thrones“, не читајте понатаму бидејќи овој текст содржи спојлери!
Актерот Чарлс Денс, кој во серијата го игра таткото на династијата Ланистер се до крајот на четвртата сезона, откри дека снима сцени за петата сезона.
Промовирајќи го филмот „Dracula Untold “, Денс потврди за она што се „шушка“ на форумите веќе со месеци – дека Дејвид Бениоф и Ден Вајс одлучија од петата сезона да воведат „флешбекови“.
Денс потврди дека снима нови сцени, и порача на фановите дека не виделе се од Тајвин Ланистер. Можеби ова значи дека и Шон Бин, односно Нед Старк, ќе го оствари својот сон и ќе го видиме повторно во сериајта?
Еве ја последната сцена од Чарлс Денс како Ланистер: