Кристијан Бејл оваа година беше Мојсеј во епскиот хит филм на Ридли Скот, Exodus-Gods and Kings, но во 2015-та година го очекува многу поинаква улога.
Велшкиот актер во најновата соработка со режисерот Теренс Малик, насловена Knight of Cups, ќе биде Ри, развратен и конфузен човек кој во потрагата да се пронајде себе си, тој ќе потоне во пороците и всушност ќе го направи спротивното. Ќе се изгуби.
Првиот трејлер за Knight of Cups е објавен, а покрај Кристија во останатите улоги ќе имаме можност да видиме уште 3 оскаровци и одлични актери од неговиот калибар. Натали Портман, Кејт Бланшет и Бен Кингсли. Во останатите улоги ќе се појави и мешана интернационална актерска екипа составена од Вес Бентли, Имоџен Потс, Антонио Бандерас , Фрида Пинто, Тереза Палмер и германскиот легендарен актер Армин Мулер- Стал.
Knight of Cups се очекува да биде триумфално враќање на Бејл во сезоната на награди и признанија, а премиерата на најновото дело на Малик ќе се одржи на Филмскиот фестивал во Берлин, во февруари 2015-та година.
Погледнете го првиот трејлер за Knight of Cups.