Birdman or (The Unexpected Virtue of Ignorance) доцна синоќа во Лос Анџелес беше прогласен за најдобра филм, на 78-то доделување на наградите Оскар.
Алехандро Гонзалез Ињариту, режисерот кој го режираше Birdman or (The Unexpected Virtue of Ignorance) ги поддигна статуетките за најдобар режисер и најдобро оригинално сценарио, а во категоријата најдобра кинематографија, втора година по ред триумфираше Емануел Лубезки, овој пат за Birdman.
Со 4 освоени статуетки беше и комедијата на Вес Андерсон, Grand Budapest Hotel, додека пак во актерските категории триумфираа актери на кои претежно (освен Џулијан Мур) ова им беше прва номинација и победа.
Еди Редмајн беше прогласен за најдобар актер во главна машка улога, за филмот The Theory Of Everything, Џулијан Мур триумфираше во категоријата најдобра актерка во главна улога за филмот Still Alice, Патриша Аркет си замина со Оскарот за најдобра споредна улога за Boyhood, а Џеј Кеј Симонс за Whiplash беше прогласен за најдобар актер во споредна машка улога.
Ida, полскиот филм на режисерот Павел Павликовски ја освои наградата за најдобар филм од не-англиско говорно подрачје, а Big Hero 6 беше прогласен за најдобар долгометражен анимиран филм.
Оскарот за најдобар документарен филм го освои „CitizenFour“, за краткометражен „The Phone Call“, а за кус документран филм „Crisis Hotline: Veterans Press 1“.
Наградата за филмска музика ја доби Александер Дисплат за филмот „The Grand Budapest Hotel“, а за најдобра нумера изведена на филм е прогласена „Glory“ на Џон Леџенд од филмот „Селма“.
„The Grand Budapest Hotel“ ги доби оскарите и за костимографија (Милена Канонеро), за шминка (Франсис Ханон и Марк Кулие) и за сценографија (Адам Стокхаузен и Ана Пинок).
Оскарот за звук и монтажа го добија Крег Ман, Бен Вилкинс и Томас Карли за „Whiplash“ и Роберт Мареј и Баб Асман за „American Sniper“, за визулени ефекти Пол Франклин, Ендрју Локли, Јан Хантер и Скот Фишер за „Interstellar“и за монтажа Том Крос за „Whiplash“.
Водител на церемонијата беше актерот Нил Патрик Харис.