Внимание за сите фанови на Mission Impossible. Првиот целосен трејлер за 5-то продолжение на Mission Impossible, насловено Rogue Nation е објавен за фановите и тој е полн со акција како што и се очекуваше.
По тешкото и долго снимање на MI5, ова е првиот поглед на најновиот дел од франшизата која влезе во 19-та година на постоење. Во Rogue Nation Том Круз се враќа во улогата на Итан Хант, агентот на IMF. Сега неговиот живот, но и на сите инволвирани со IMF ќе бидат загрозени откако ќе дознаат за постоењето на „синдикатот“, фракција на самата IMF, која има за цел да ја уништи организацијата.
Покрај Том, свое враќање ќе има и Сајмон Пег, како и Винг Рејмс, но како „новитети“ во 5-та ќе ги видиме и Ребека Фергусон, Шон Харис и Алек Болдвин.
Режијата на Rogue Nation му беше доделена на Кристофер Меквери, сценаристот и оскаровец на кој ова ќе му биде трет филм како режисер на кариерата, а премиерата можеме да ја очекуваме на 31-ви јули оваа година.
Погледнете го трејлерот за Rogue Nation.