Капетанот Џек Спероу се врати на Карибите, а за тоа потврда е и првата официјална фотографија од Pirates of the Caribbean: Dead Men Tell No Tales ја објави самиот продуцент на 5-от дел од познатата франшиза, Џери Брукхајмер.
На фотографијата може да се забележи Џони Деп како по 5-ти пат ја толкува иконичната улога, но сега во сцена која тој е врзан за јарбол и држен во заробеништво од ривалските пирати.
Главен непријател на Џек Спероу во Pirates of the Caribbean: Dead Men Tell No Tales, ќе биде капетанот Салазар игран од оскаровецот Хавиер Бардем, додека пак улогата на капетанот Барбоса повторно ќе ја репризира оскаровецот Џефри Раш.
Кевин Мекнејли и Орландо Блум исто така ќе бидат повторно дел од актерката екипа, но сега зад камерата застанаа норвешките режисери Јоаким Ренинг и Еспен Сендберг.
Снимањето на 5-от дел започна на повеќе локации во Австралија во јануари оваа година, но веднаш потоа беше прекинато поради циклонот кој го погоди тој дел на Австралија во кој се наоѓа сетот, а и поради повредата која ја доби Џони снимајќи ја една од сцените.
Премиерата на Pirates of the Caribbean: Dead Men Tell No Tales е закажана за 7-ми јули 2017-та година.