Како што најави Лејди Гага, така и исполни. Денес го објави нејзиниот албум Joanne, откако објави три песни кои ќе се најдат на него.
Прва песна беше „Perfect Illusion“, потоа следуваа „Million Reasons“ и „A-YO“.
Овој пат на албумот се наоѓаат уште 11 песни, меѓу кои и соработките со Florence + The Machine, Бек и други познати музичари. Албумот е во копродукција на Марк Ронсон, а името Џоен е посветено на покојната тетка на пејачката.
Со овој албум Гага сака да ја промовира новата ера во својата кариера, а неодамна за магазинот „Т“ откри дека низ него повторно сака да докаже дека е музичарка која има што да понуди.
- Жените може да бидат музичарки, може да бидат рок ѕвезди, дури и многу повеќе од објективизирани поп ѕвезди, изјавила Гага.
Албумот моментално е достапен на Amazon, iTunes, Spotify и Apple Music