Жељко беше ментор на вкупно четири кандидати, кои до сега се намалија на двајца, нашиот Даниел Кајмакоски и Маид Хечимовиќ. Бидејќи има уште една емисија до финалето, очигледно е дека еден од нив двајца ќе оди во финале, а ние секако дека ќе гласаме тоа да биде Даниел.
Продукцијата вчера соопшти дека финалната вечер е закажана за 23 март во „Комбанк Арена“ без претходно да ги информира членовите на жирито. Токму поради ова, Жељко се налути и на својот профил на Twitter објави дека токму на интернет дознал за датумот на финалето.
- Би било убаво тогаш да сум во Белград, додаде Жељко.
Како што можевме да забележиме и на последната емисија во живо, продукцијата, без претходна консултација со членовите на жириро, одлучи во една вечер да исфрли двајца кандидати, поради што жирито беше видно изненадено. Бидејќи продукцијата воопшто не се консултира со нив, ниту пак ги информира навремено, сосема е оправдана реакцијата на Жељко.