Еден од најголемите конкуренти на Даниел Кајмакоски за победа на X-Factor беше Лукијан Ивановиќ, за кој многумина коментираа дека ништо чудно ако ова момче направи успешна кариера во регионот.
Финалистот од X-Factor не остана покусо, па откако сега Балканот може да ја чуе победничката песна на Даниел од Скопски Фестивал, „Лисја Есенски“, излезе и видео спотот за песната „Sve si meni“. Сите љубители на пејачите од X-Factor ќе можат да ги слушнат и двете нови песни на финалистите кои се бореа за победа во Белград. Ова е добар поттик и за останатите натпреварувачи кои откако заврши шоуто скоро никој не продолжи со некоја позабележителна кариера, иако менторите, особено Кристина Ковач, Жељко Јоксимовиќ и Емина Јаховиќ ветуваа дека под закрила ќе земат некои од пејачите.
Интересно е тоа што новата песна на шармантниот Лукијан, „Sve si meni“ воедно е авторска песна на младиот пејач. Погледнете го спотот каде тој во креветот и под тушот се бакнува и мази со згодна девојка.