Синоќа се одржаа Британските музички награди, односно шоу кое единствено по што ќе го запаметиме е паѓањето на Мадона и тоа на сцена. Изгледа дека секоја година има по некоја позната ѕвезда било од музичката, било од филмската индустрија која некако успева да падне и да го обележи шоуто.
Сепак, освен Мадона, Ед Ширан, кој ја доби наградата за најдобар британски соло артист и најдобар албум на годината и Сем Смит со наградите за глобален успех и британско откритие уште еднаш покажаа дека имаат доволно потенцијал во една година заслужно да добијат неколку награди.
Канје Вест ја искористи приликата да промовира нова песна „All Day“ која е исполнета со безброј пцовки. За неговото појавување на сцена заслужна беше Ким Кардашијан, која мораше да направи едно селфи на сцена, заедно со домаќините на шоуто, Ант и Дек. Можеби Ким се гордееше со сопругот, но Тејлор дефинитивно повторно „растури“ со нејзините движења.
Таа го отвори шоуто со нејзината песна „Blank space“, а подоцна ја прими првата британска награда во својот живот, интернационален женски соло артист.
- Не можам да верувам. Доаѓав во Англија и цели 8 години имав разни перформанси, па затоа среќна сум за оваа награда. Сепак, не би била тука ако не беше еден од моите најдобри пријатели кои ме поведе во јавност и ми покажа како да направам убав чај, те сакам Ед Ширан, изјави Тејлор додека ја примаше наградата.
Можеби на овие награди имаше на повидок и два потенцијални парови. Имено на доделувањето на наградите први кои флертуваа беа Луис Хамилтон и Ели Голдинг. Луис ја искритикува Ели дека изгледала како да се наоѓа на некоја венчавка, а таа му одговори, да можеби нашата венчавка.
И додека Ели го „закрпи“ Луис со коментарот, Орландо Блум не можеше да се воздржи, а да не погледне во длабокото деколте на Рита Ора. Дури и се пошегува на нејзина сметка дека се надева нема да се види нешто повеќе, иако сигурни сме дека би го израдувало тоа.
Целосна листа на победници:
Британско видео на годината: One Direction, „You and I"
Британско откритие: Сем Смит
Британски албум: Ед Ширан, Х
Британски женски соло артист: Палома Фејт
Британски машки соло артист: Ед Ширан
Британска група: Royal Blood
Интернационален машки соло артист: Фарел Вилијамс
Интернационален женски соло артист: Тејлор Свифт
Интернационална група: Foo Fighters
Избор на критичарите: Џејмс Беј
Британски продуцент: Пол Епворт
Британска песна: Марк Ронсон и Бруно Марс „Uptown Funk"
Британски глобален успех: Сем Смит