Шпанскиот фудбалски прволигаш Атлетико Мадрид ги засили своите редови за новата сезона со 24-годишниот Аргентинецот Тијаго Алмада.
Аргентинскиот репрезентативец претходно беше член на бразилски Ботафого, а пролетниот дел од минатата сезона го мина на позајмица во Лион.
За францускиот клуб Алмада постигна два гола и додаде пет асистенции.
Офанзивниот играч од средниот ред беше член на аргентинската репрезентација која го освои Светското првенство во Катар во 2022 година, а досега одигра 10 натпревари во националниот дрес и постигна четири голови.