Најскапото засилување на Ливерпул, напаѓачот Александар Исак зборуваше за своите амбиции со новиот клуб.
„Црвените“ го објавија трансферот на 25-годишникот од Њукасл во понеделник, 1 септември, во договор вреден 145 милиони евра, што е рекорден трансфер во историјата на Премиер лигата.
- Се чувствувам неверојатно. Имав долг пат за да стигнам до тука. Но, неверојатно сум среќен што сум дел од овој тим, овој клуб и сè што тој претставува. За да имам оваа шанса, сакам да напишам историја, сакам да освојувам трофеи. Тоа е најголемата мотивација за мене и чувствувам дека Ливерпул е совршено место за мене да продолжам да растам, да ја подигнам мојата игра на следно ниво и да му помогнам на тимот. Неверојатно сум среќен што ми е дадена оваа шанса и многу сум мотивиран да го поминам времето добро. „Сакам да освојам сè, изјави Исак за клупскиот сајт.
Фудбалерот во Ливерпул дојде од Њукасл каде настапуваше три години. Тој одигра 109 натпревари за тимот во сите натпреварувања, постигнувајќи 62 гола и 11 асистенции и го освои англискиот Лига Куп во сезоната 2024/25.