Тренерот на Манчестер јунајтед, Рубен Аморим, ги искажа впечатоците за вчерашниот натпревар со Арсенал.
Манчестер загуби на свој терен со 1:0 во натпревар со многу тактичко надмудрување и малку шанси.
- Заслуживме повеќе и бевме подобар тим, тоа е очигледно, но на крајот загубивме. Треба да работиме на она што треба да се подобри. Треба подобро да се браниме во прекините. Многу работи направивме како што треба. Има многу работи на кои треба да работиме, дури и без да го гледаме видеото. Многу сум горд на моите играчи. Бевме поагресивни и похрабри. Во некои моменти, мислам дека Мбемо и Куња многу ни помогнаа. Се држевме до планот, дури и кога навивачите на стадионот беа нервозни, ние продолживме да играме на начинот на кој игравме, а ова ќе ни помогне во иднина, изјави Аморим за „Би-би-си“.
Во следното коло од Премиер лигата, Манчестер јунајтед ќе игра на гости против Фулам на 24 август.