Англиските медиуми пишуваат дека Венгер ќе го пушти Цеск Фабрегас во Барселона, а замена за шпанскиот репрезентативец ќе биде Италијанецот Даниеле Де Роси.
Веќе подолго време се зборува дека Цеск Фабрегас многу сака повторно да игра во Барселона од која во Лондон заминал уште како дете. Овој трансфер повторно се актуелизирал, а се чини дека главниот менаџер на Арсенал Арсен Венгер, е подготвен да го пушти шпанскиот репрезентативец во Барселона.
Исто така медиумите пишуваат дека Венгер веќе пронашол замена за Фабрегас и тоа во италијанскиот репрезентативец Даниеле Де Роси.
Дури Англичаните одат до таму што тврдат дека Де Роси ќе биде “капитенот на иднината“ во тимот на Арсенал.
Де Роси (25) е целата своја кариера во Рома и е роден Римјанин и продукт на нивната младинска школа. Од 2002 година кога започнал да игра за сениорската екипа на Рома, настапил во 160 средби вкупно има постигнато 18 погодоци.