Напаѓачот на Челзи, Алехандро Гарначо, откри дека бил навивач на „сините“ како дете.
- Ја гледав Премиер лигата како дете. Ми се допаѓаше Еден Азар, па затоа навивав за Челзи. Тој беше пример за углед, неговиот стил. Затоа играм на истата позиција, изјави Гарначо за сајтот на Челзи.
Дваесет и едногодишниот Аргентинец се пресели во Челзи на 30 август. Гарначо потекнува од школата на Манчестер јунајтед. Тој одигра 144 натпревари за тимот од „Олд Трафорд“, постигна 26 гола и направи 22 асистенции.
Според британските медиуми Гарначо потпиша договор со Челзи до летото 2032 година. Порталот „Трансфермаркт“ го процени трансферот на 46,2 милиони евра.