Еден од најдобрите играчи на Барселона, Чави во 1992 година кога имаше само 12 години не доби дозвола од своите родители за да биде на трибините на Вембли и да го следи финалето во кое Барселона дојде до својата прва титула во Лигата на шампионите.
Тогаш Барса победи со 1:0 против Сампдорија со голот кој го постигна Роналд Куман од слободен удар во продолженијата.
На тој меч браќата на Чави биле меѓу публиката, но Чави не можел бидејќи имал само 12 години и морал да остане дома.
Судбината сакаше по 19 години токму Чави да биде еден од хероите на тимот коишто ќе може да го посетат храмот на фудбалот во Англија.
Неговите браќа повторно ќе може да го следат финалето од трибините, но затоа сега Чави никој нема да го запре и тој ќе биде на теренот со што ќе го исполни својот сон од детството. На 28 мај ќе ја исполни својата желба која ја има веќе 19 години.