Тренерот на Реал Мадрид, Жозе Мурињо за Marca изјави дека планира победничка парада низ Барселона откако ќе ја освои шампионската титула во мај.
Со предноста од 10 бодови пред Барселона тој е сигурен дека неговиот тим ќе стане шампион и уште од сега ја планира парадата со која ќе ја прослави титулата.
-Кога ме прашаа дали ќе има парада во Мадрид, заедно со фановите, јас само одговорив дека ќе има, но во Барселона. Едвај чекам, изјави Мурињо.
Тој исто така изјави за весникот дека ги добил сите потребни дозволи од градот за парадата. Таа ќе помине низ целиот град, а ќе заврши на стадионот Ноу Камп. А за крај Мурињо додаде и дека на сите играчи на Барселона ќе им бидат испратени покани да присуствуваат како „почесни гости“
-Меси може да дојде. Направивме дрес со името на Роналдо во бебешка големина специјално за него. Пике заедно со Шакира, а за Пеп Гвардиола подготвив специјална перика за да се чувствува „специјално“. Ќе биде прекрасно, за крај изјави Мурињо.
Дали се шегува или е сериозен, останува да го дочекаме мај и да видиме.