Вилнус, 5 септември 2011 (МИА) - Македонија со четири победи и само еден пораз, како првопласирана во групата „Ц“ ги продолжува натпреварите во следната фаза на кошаркарското Европско првенство што се одржува во Литванија.
Македонија вечерва во градот Алитус ја совлада Босна и Херцеговина со 75:63 во последното петто коло од групата „Ц“. Македонските кошаркари во втората фаза пренесуваат четири бодови, Грција ќе стартува со два, а Финска како трето пласирана без бодови ќе игра во новоформираната група.
Следните противници на Македонија ќе бидат трите најдобро пласирани репрезентации од групата „Д“, а тоа се Русија, Словенија и Грузија.