Македонската машка кошаркарска репрезентација е поразена од Ангола во првиот натпревар од предолимпискиот квалификационен турнир во Каракас, со резултат 84-88.
На крајот на првата четвртина Ангола веќе водеше со 32-21, а на полувремето во соблекувалните заминавме со 13 коша негатива и резултат 40-53, но затоа во средината од последната четвртина, тројката од Бо Мекејлеб не доближи на 70-76, по што следеа и 2 поени од Предраг Самарџиски. Резултатот на семафорот по двата поени гласеше 72-76, а по тајм аутот од тренерот на Ангола, со тројката од Стојановски, резултатот го доближивме повторно на четири поени негатива, 74-78. Во последните секунди од натпреварот не успеавме да го здржиме темпото, и резултатот на крајот од натпреварот семафорот гласеше 88-84 за Ангола.
Лестер Бо Мекејлеб со 21 кош и 5 асистенции беше најефикасен во македонската селекција а Едуардо Мингаш со 24 коша и 6 асистенции беше најефикасен кај Ангола. Мекејлеб и Дамјан Стојановски го завршија натпреварот со 4 лични грешки.
Од останатите натпревари кои денеска се одиграа во групата А, Грција беше подобра од Јордан со 107-63, а во групата Ц Русија ја декласираше Јужна Кореја со 91-56. Македонија денес ќе го одигра вториот натпревар од групата Д, кога за противник ќе ја има репрезентацијата на Нов Зеланд.