Возачот на Мекларен, Ландо Норис, не е задоволен од моменталната форма оваа сезона.
- Плаќам за грешки кои не требаше да се случат. Трката испадна тешка. Дури и да имаше шанса да се стигне Расел, тоа сепак не се случи. Добрата работа е што освоив поени. Лошата страна е што можевме да направиме повеќе, а не го сторивме тоа.
Да бидам искрен, изненаден сум што воопшто освоив поени, со оглед на тоа како се чувствувам зад воланот. Се чувствувам непријатно, не сум задоволен. Не сум во мојот елемент, па резултатите се дури и изненадувачки. Едноставно нашиот болид сега е толку добар што ме спасува од големи неуспеси. Но, не сум ни блиску до нивото на кое сум способен, изјави Норис за „Sky Sports“ по вчерашната трка во Бахреин на која го освои 3. место
Пјастри ја освои својата четврта победа во Формула 1 и втора во сезоната 2025 година. Австралиецот се искачи на второто место во генералниот пласман со 74 бодови. Актуелниот шампион Макс Верстапен (Ред Бул), кој заврши на шестото место во Бахреин, падна на третото место во поредокот со 69 бодови. Лидер е Норис со 77 бода.
Следната фаза од Формула 1 ќе се одржи во Саудиска Арабија од 18 до 20 април.